Tonky Blues Band

80. urteen hasieran osatu zuen Tonky Blues Band taldea Tonky de la Peñak, eta oso izen ona hartuko zuen berehala Blues eta musika beltzen zirkuituetan eta jaialdietan. Amerikako musikako izen handiei lagundu die Europan barrena, esate baterako, Carey Bell, Louisiana Red eta Charlie Musselwhite ezagunei.

1990. urtean Jerry Lee Lewis guztiz ezagunaren taldeko kidea izan zen.

90. urteetan hainbat bira eta grabazio egin zituen Rolling Stones taldeko kide ohi Mick Taylor gitarra jotzaile mitikoarekin.
Geroago 5 urtez (2000/2005) lagundu zion musika afroamerikarreko, Soul eta Funkeko, izar Buddy Milesi, J. Hendrix eta Santanaren lagun zaharrari,eta The Blue Side of Buddy Miles diskoa grabatu zuen harekin.

Paul Orta lagun, Texaseko blues zirkuituan ari izan zen 2006/2007 urteetan. Hainbat emanaldi eta jaialditan jo du Mexikon.
Tonky Blues Band musikari gazte eta profesional askorentzako erreferentzia bihurtu da, eta agertokiaren gaineko blues ikastegitzat dute askok Tonky Blues Band taldea.

Une honetan artista askorekin ari da elkarlanean Tonky Blues Band, esate baterako, Boney Fields, Nico Wayne Toussaint, Enrico Crivellaro eta Raphael Wr artistekin.