Stars From The Commitments

1993. urteaz geroztik, etengabe bidaiatu dira taldekideak Kanadan, Estatu Batuetan, Hego Ameriketan, Europan, Eskandinavian, Afrikan, Asian eta Australian barrena. Ikus-entzuleak liluratu eta irabazi dituzte –tartean Estatu Batuetako presidente bat!– azken 20 urtean jardun duten jaialdietan, klubetan, antzokietan, goi mailako ekitaldi korporatiboetan eta VIP jaietan.

Soul musika zirraragarriari emandako bi ordu irauten ditu ikuskizunak, zure arima aztoratuko duen zuzeneko esperientzia txundigarria da. Beste gai askoren artean honako hauek entzungo dituzu: Mustang Sally, In the Midnight Hour, Try A Little Tenderness, Treat Her Right, I Cant Stand The Rain eta Nowhere to Run. Banda dinamiko honek dantzan jartzen ditu entzuleak korridoreetan, eta milioika ale saldu dituzten soinu banden (Oskar sariak, Urrezko Globo sariak eta BAFTA zinema sariak jaso dituztenak) albumetako arrakasta guztiak interpretatzen dituztenean gehiago eskatzen dituzte bertaratuek. Musikari hauen emanaldien sendotasunak, kalitate handiak, doitasun ikaragarriak eta musikaltasunak bat egiten dute, hasi eta buka gai arrakastatsuez beterik dagoen ikuskizun zoragarri hau eskaintzeko. The Stars From The Commitments gero eta ezagunagoak dira mundu osoan barrena, eta ez dute etenik erreserbagileen eta promotoreen aldetik jasotzen dituzten jendaurrean jotzeko eskaerek.