Guztia prest Hondarribian Bluesaldirako

Jaialdia 19:00an hasiko da, Itsas Etxeko auditoriumeko atartean inauguratuko den “10 urteko Bluesa" erakusketarekin. Hondarribia Blues Jaialdiaren hamargarren urteurrena dela-eta, argazki erakusketa antolatu da. Hartan, 10 urte hauetan zehar ibilbide bat egingo da Alex Rodriguez Cruz argazkilari eta antolatzaileen lagunaren eskutik.

Diablues & Blucifer

Bentako eszenatoki nagusian izango dira 21:30etik aurrera, hamargarren urteurren honetako lehen hiru saioak. Lehenengo, Diablues & Blucifer Asier Elorza eta Mikel Etxeberriarekin. Bluesaren sustrai sakonenetara eramaten gaitu proiektu honek, Mississippiko melodia zaharrei ukitu pertsonala emanez.

Shakura S'Aida

22:30ean, eszenatoki nagusi horretan bertan, aurtengo Hondarribia Blues Jaialdiko ezusteko handienetako bat izan daitekeenaren txanda etorriko da. Shakura S'Aida da bera, nazioarteko artista egiaz, eta musika eszena kanadarrean haren presentziak ez du etenik izan ia 25 urtetan. Bidean, aberastasuna eman dio jazzaren, bluesaren eta R&Bren klasikoen munduak, ahots hunkigarria du, nortasun gartsua eta konpromiso sakona bere soul musikarekin.

Dr. Feelgood

Eta lehen gauari amaiera emateko, 00:00an, Dr. Feelgood beteranoak iritsiko dira Bentara. Canvey Islanden hezia, Essex-en. 1970. hamarkadan, Dr. Feelgood-ek munduko zuzeneko rhythm and blues ikuskizun herrikoi eta hunkigarrienetako bat izaten jarraitzen du oraindik ere.